தமிழ்மொழியில் முதல்முதலாக தரங்கம்பாடியில் அச்சாகிய புத்தகத்தின் முதற்பக்கம்

இன்றைக்கு(2002) 287 ஆண்டுகளுக்கு முன்பு 1714 இல் அச்சாகிய இவ்விதழில் அந்நாளில் தமிழ் ஓலைச்சுவடிகளில் எழுதும் போது எகரத்திற்கும் மெய்களுக்கும் புள்ளியிடாமலும் ஆகாரக்காலிற்கும் ரகரத்திற்கும் வேறுபாடு இன்றியும் எழுதுவார்களோ அவ்வாறே எழுதப்பட்டுள்ளது. எகர ஒகர ஒற்றைச்சுழிக்கொம்பு ஏகார ஓகார இரட்டைச்சுழிக்கொம்பு என இரண்டுவகை இல்லாமை காண்க. { ஓலை அல்லாது வேறு பொருளில் எழுதுங்கால் கொம்பு ( ஒற்றைச்சுழி ) உயிர்மெய் நெடிலில்தான் புள்ளி பெறாது. குறிலில் புள்ளி பெறும் } அதான்று மொழியறிவு சிறிது குறைந்தோர் எழுதுகின்ற நடையிலும் வரி மாறும் இடங்களில் சொல்லே இடையிலே உடைபட்டுள்ளதும் காண்க.

கிறீஷ்துபிறந்தஆயிரத்துஎழுதூத்துபதினாலாம் வரு ஷமாகிறபோதுயிதுதரங்கன்பாடியிலேயிருக்கிற பாதிரிமார்களுடையஅச்சிலேபதிக்கப்பட்டது.